Bazoaz

ba zoazkit emakume

ez dakit nora

ez dakit zergatik

ba zoazela dakit

ba zoazela neregandik!

 

Inoiz atzera

begiratzen baduzu

han ikusiko nauzu

erlejua gelditu egin zait

zeu zintzaizkidan lurrean

zainez itsatsirik.

 

Harrizko ilobi

gorputz nauken ohean

ikusiko nauzu

iturria ahortu egin zait

eta ametsezko lanean

ez du ia kemenik.

 

Bazoaz

ba zoazkit emakume

ez dakit nora

ez dakit zergatik

ni hemen gelditzen naiz

oroimenean landaturik.