Murumendiko Mariri

 

Lanbroa banintz

doi doi mozkortuko nuke

Murumendipeko pagadia

udazkeneko eguzkiaren gauan.

 

Eguzkia banintz

ozta ozta epelduko nuke

pagadiaren lurra

hilbeteko perretxikuaren nahian.

 

Perretxikua banintz

dohan dohan luzatuko nintzateke

lurraren altzoan

egunsentiko bilalariaren irrian.

 

Mugagabea banintz

aukerak itoko nituzke

zure ostadar miñan

hilezkortasun ametsaren kaian.