Gizon pobre baten salmoa

 

Heriotzaren uhain

horiak ene ertzak

jotzen dituenean...

non dira zure eskuak

ene arimako arraunak

eusteko ene neguko

ordu larrian?

 

Galtzailearen bitsa

urrikalgaitzak

isekatzen nauenean...

non dira zure ezpainak

ene begietako tristezia

xukatzeko ene barneko

zeru koloregabean?

 

Udaberri joanaren hotz

ankerrak ene lorak

ihartzen dituenean...

non dira zure ihintzak

ene petaloen ametsak

berpizteko ene lurreko

bihar beldurtian?