Sonetoa 2

 

Geltokiko azken trena doanean

ez nuke herio bagoira igo nahi

tunela betirako itxiko balute

bezala; ez jakinean hobe jarrai.

 

Trabiesa zaharren azken dardarak

ezin dienean kurpilei ekin

euts biezaio faktorearen banderak

esperantzari, hilezkor, asekaitz.

 

Joatera bultzatua izanik ere

nahiago nuke hemen geratu eta

gerorantz ez abiatzea orain.

 

Itzulerak luken begi berria

urruneran faltatzen den bitartean

edozein txartel bait deritzait etsai.