Ortzertzearen mugetan

 

Ortzertzearen mugetan

bihotza usteldu zen hartan

zulo bat bizi da

gure behin bateko brokatze

enara, ihintze, goizalba ororen

aintzinako kabian.

 

Ortzertzearen mugetan

bihotza usteldu zen hartan

zulo bat bizi da

gaurko petalo ihatuek

ametsen erregileari kantatzen

dioten hilobian.

 

Ortzertzearen mugetan

bihotza usteldu zen hartan

zulo bat bizi da

udaberri-enara xumeak

mokoak zabalik hilzori aurreko

taupadaka tristean.

 

Ortzertzearen mugetan

bihotza usteldu zen hartan

zulo bat bizi da

ihintzaren nota luzeak

itoak aspaldian sinfoniaren

pentagrama beltzean.

 

Ortzertzearen mugetan

bihotza usteldu zen hartan

zulo bat bizi da

goizalbaren begi itsiak

etzanda xatandre berdexka batzuren

hatzapar itsusian.

 

Etzazu, anaia, sartu

eskua zulo ustelduan,

herioz baitago

ostadarra jota ohean...

etzazu odola guritu ene udazkenak

kiratsez bete ez dezan.