Zain, zain egotea

 

Ai zein luzea den

esperantza zalantzakor batez

zain, zain, zain egotea.

 

Otsaila hotzeko gau oskarbiak

ametsaren kolpez ernaltzen du

epeldu dezaken san jose lora...

baina

ai zein luzea den

esperantza zalantzakor batez

zain, zain, zain egotea.

 

Itsas ertzeko usain gaziak

haizearen taupadaz irensten du

goza dezaken kresala...

baina

ai zein luzea den

esperantza zalantzakor batez

zain, zain, zain egotea.

 

Mendi gibeleko harkaizti grisak

kolorearen printzaz barnetzen du

piztu dezaken argia...

baina zein luzea den

esperantza zalantzakor batez

zain, zain, zain egotea.

 

Bidexka bakartiko giza eriak

begininien malkoz irrikatzen du

pertsonaliza dezaken bihotz-mina...

baina

ai zein luzea den

esperantza zalantzakor batez

zure, zure zain egotea.