Ezin errana
Auxtin Zamora
Maiatz, Uhargi 9, 1986ko abendua

MERTXIKA ARBOLAK LORATZETAN

Amatto,

arima higialdi batez,

eskaini ninduzun,

nigar xorta bat.

Harritu nintzen ikustearekin:

neure burua naukala,

osorik eta biluzirik,

nigar xorta horren barnean.

Uraren firfirekin,

argiaren miliar ximixtekin,

zure matela

hildokatu ondoan,

ixuri zen

neure esku ahurrera,

erle batek,

desestekatzen duen

erremulia osto urdin bat bezala.

Geroztik,

badakit,

amatto,

mertxika arbolak loratzetan,

amodioz edo bihotzminez,

begiak bustitzen zauzkitalarik,

zonbat,

«ni, haur» naizen

«zu, haurrez» iduria.

Ezin errana
Auxtin Zamora
Maiatz, Uhargi 9, 1986ko abendua