Ezin errana
Auxtin Zamora
Maiatz, Uhargi 9, 1986ko abendua

MATTE

                Matte, lillurekin,

                indar itsuekin,

amorratu nauzu zuretzat ongixko,

larre, sasietan eske ibiltzeko.

                Sorginen munduan,

                ez da deus argitan,

jestu eta hitzen murru gibeletan,

inkamineri da behar kasu eman.

                Geroztik gauetan,

                ilargi betetan,

arima derauka:han, ote beltxetan,

ote beltxetan bai ote xurietan.

                Azti belagile,

                belar idortzale,

bilakatu nauzu zure begientzat,

lilien moztaile zure ileentzat.

                Zuhaindor bihia

                dela pozoinena,

arrosa salbaia xarmegarriena,

neretzat, zu zaitut maitagarriena.

                Zuk bota zortea,

                ez zen betikoa,

atxemanik oroit loreen artean,

sekretuen giltza, zu ez ohartzean:

                Matte, lillurekin;

                indar itxuekin,

amorratu zaitut nik ere ongixko,

nerekin larretan eske ibiltzeko.

                Sorginen munduan,

                es da deus argitan,

jestu eta hitzen gibeletan,

inkamineri da behar kasu eman.

                Geroztik gauetan,

                ilargi betetan,

han, biak, gaude mihan ote beltxetan

ote beltxetan bai ote xurietan ....

Ezin errana
Auxtin Zamora
Maiatz, Uhargi 9, 1986ko abendua