Ezin errana
Auxtin Zamora
Maiatz, Uhargi 9, 1986ko abendua

ARGI ZILOAK

                Beren Euskaldun izaitearen gatik, gure artean,

                gehiago xutituko ez direneri

                84 - 3 - 7

Hil gabe

nola jakin

zer den bizia,

madarikatu gabe,

zer den

Amodioa?

Lurraren gosea,

odol ixurien

irestetik,

atxikitzeko,

argi ziloetan, ehortzi ditugu,

amodioz eta odolez,

erori diren,

gure izaite ber bereko,

Herriko ahaideak.

Lekuaren gainean

paralesiatuak,

zegunda batetik bertzerat,

ikusi ditugu:

argi ziloak

hesten,

geroztik,

ilunbean gabiltza,

itsu batzu bezala,

gauz eta arrazoin guzieri

kuskakoka,

nundik jinen zaukun,

argi arraildura bat:

artetik, oihuka,

heietaratzeko.

Ezin errana
Auxtin Zamora
Maiatz, Uhargi 9, 1986ko abendua