|
Ezin errana EZ GIRA HILEN MAYI MADDALEN Ez gira hilen Mayi Maddalen Bertze mundu bat zu ta neretzat, egun oroz zen sortzen ta hiltzen, egun oroz zen hiltzen ta sortzen. Zeru ezkin bat gure barnerat sartu zitzaikun, biak hiltzean: bet betan elgar begiztatzean. Bertze mundu bat, orai guretzat, izarrez izar sortzen ta hiltzen. izarrez izar hiltzen ta sortzen. Neure eskua zuri lotua: izar buztandun, zirri marraka, lurrekoeri, ixilagurka. Joanen gira gure herrira, hilen eguna jinen denean... bai, iduzkia ateratzean. Marrakuku bat hantxet guretzat, eginik dute egur ta lurrez, uste dutela garela urrez. Orroitzapenak, lore, otoitzak: bustitzen dituzte nigarrez, bainan guretzat obe ihintzez. Ez gira hilen Mayi Maddalen: doatzi betikotz maitasunez: gure itxurak lur ta zeruez... 78 - 10 - 27
Ezin errana |