Ezin errana
Auxtin Zamora

Maiatz, Uhargi 9, 1986ko abendua

 

SENPERE OLA KARTIERAN

 

Senpere Ola kartieran,

Jondoni Petriren pean,

Mila bederatzi ehun

seiean, Bazko ez urrun,

gerta omen da pullitik,

asto laster gai ederrik:

 

Bi ematze kalakan,

hauxet erran, hura erran,

harturik biek afruntu,

dira ximurtuz samurtu.

Ez bide zuten katxorik

mihi puntan bizikarik

haukien xuri beltxetarik,

kartierak dena jakin dik.

 

Guziak antolatzeko:

«no bi beharri ondoko!»

batek erranez, igorri,

bertzea, xut, senarrari.

Aufa, aufa Janamari

zer dun Ixtorio hori!

 

Bainan biharamunean,

pegartxo bat harturikan,

laidostatuaren gizona

laidoslariaren gana:

pegarra buruan hautsi,

madamak mokoa hetsi.

 

Olan dira bai geroztik

gauzak pasatzen ixilik,

urrun begien bixtatik.

Gertakizuntto huntatik,

ez atxik erakaspenik,

baizik, pegarrak osorik!

 

22 - 2 - 77

 

1906.ean, Mendekoste biharamunean,
egin zituzten Senperen asto laster batzu,
haukien gaia izan zen:

egiazko mokokaldi bat gertatu zena
Olako bi emazten artean.

 

 

Ezin errana
Auxtin Zamora

Maiatz, Uhargi 9, 1986ko abendua