|
Bizitza nola badoan TXALAPARTA... (1984) bihotz larrutuaren zalaparta, negar malkoek lurrean haustean degiten zarta, jokoa irabazteko ateratzen ez den karta, maitasun ezin egiztatu haren gatik buruan min nuen barda, txalaparta: ni nehork ez nau maitatu. uda erditan maite zaitut ahozkatuen zalaparta, hutsean lehertzean gorputz bakartiak degien zarta, bidea segitzeko zailtasunak sumatzeko faltatzen zaizun munduko karta, maitea zuri pentsatu nuen barda, txalaparta: ni nehork ez nau maitatu. nere inguruan zoriontsu dabiltzan irri karkara asekaitzen zalaparta, nola zara alai batek arpegian ematen dizun zarta, maiteak sufritu nahi ezean jostatu gogo ez duen geroaren karta, maitea pentsatu nuen hobe genukeela elkarrekin bidetzea hortan uztea, maitea zu gabeko bizia asmatu nuen barda, txalaparta: ni nehork ez nau maitatu, eta zuk ez nauzu maitatuko...
Bizitza nola badoan |