Bizitza nola badoan
Itxaro Borda

Maiatz, Uhargi 1, 1984ko agorrila

 

JOANEN GINATEKEELA

                (1980)

 

Nik dakita nora...

Beharbada, ondartzak ortzaiza degien lekura

            palmatzeen itzala fresko den mortura

            atol urdinetan dauden uretara

            Penjab eta Kaxmireko zelaietan

            gaindi, Zanzkar eta Ladhaken hotzera

            Marakaibotik Akapulkoraino...

            Nik dakita nora...

Baina joanen ginatekeela!

 

Nik dakita nora...

Bordel, ordea ezin utz usaia hartuak,

            karrikako hutsa, etxeko kateak,

            esku legun eta begi amultsuak,

            nehoiz irekiko ez diren ateak.

Ai, segur joanen ginatekeela!

 

Bordel, ordea lurrari loturik sobera

            joate bakuna datorke minbera.

            Nik dakita nora...

 

Beharbada,

iragana ahantz dezakegunera,

biharra bakarrik ditaken gunera,

denbora galduko ez den egunera,

joanen ginatekeela

ah hori bai...

 

 

Bizitza nola badoan
Itxaro Borda

Maiatz, Uhargi 1, 1984ko agorrila