|
Bizitza nola badoan GIZONAK ZEIN DIREN (1984) Gizonak zein diren hormatuak hilak galduak egunero lanean higatuz aintzinako orroimen latzak ahantzi nahi dituztenean, barnean duten kartzela, askatasuna dela diotela, besteen zerbitzuan ematen dutelarik, herriko plazetan erdaraz, patxaran basoa eskuan, mundua berriz degitelarik. Gizonak zein diren krudelak bitxiak bihotzgabeak zoriontsu zarenez eskatu ondoan berek min ez hartzeko gogoa sarraskitzen dizutelarik, kaiertzean uzten dituzularik, nehoiz itzultzen badira, aldatuak itzultzen direlarik, bakardade hutsaren pizuagatik negar kiratsez busti bi begiak ezin hetsiz ari zarenean, zure sahetsean haiek zuzenen loan pausatzen direnean, bakardadearen gau ixilean. Itsutzen eta mututzen zaituzten ordu luze horietan joateko gutizi gosetia daukazu, ordea hor zaude zauriz koropilatua geroa hobeagoa gozoagoa, beroagoa, zoroagoa gerta daitekeelakoan...
Bizitza nola badoan |