Bizitza nola badoan
Itxaro Borda
Maiatz, Uhargi 1, 1984ko agorrila

GU

                (1982)

Norbaiten bizian garen ixtripua,

Huts handi bat eta hala ez beharra,

Euritik landa den lohizko zipua

Edo xendretako harrixka meharra,

Ez dute irririk, begirik, oihurik,

Gu gabe mundua berdin lizateke:

Inutil gabiltza eskuak loturik,

Ustea itxura, sinestea neke...

Biltzen ditugula besteren ondarrak

Urteak ixurtzen dira errautsetan

Hilez betirako hor zorion garrak,

Eta azken hatsaz bularren zokotik

Gure pizu latzak, airatuz hautsetan,

Kentzen gaitu laster geroen gogotik.

Bizitza nola badoan
Itxaro Borda
Maiatz, Uhargi 1, 1984ko agorrila