|
Bizitza nola badoan EUSKAL HERRIAN EURIPEAN (1982) Eder da Euskal Herria euripean, busti eta distiratsu; ura hosto legorretan urre eta zilar kantaka ttanttaka lerratzen da ekainan, urrian Euskal Herrian euripean hor gaude. Helbururik ezeko bide hutsetan gabiltza ilunabar umietan Euskal Herriko kaletan, Bizkaian edo Nafarroan patxaran basoak edanez kuraia hartzeko euri xortak, zigarretak eta ogitartekoak erdizka partekatuz Euskal Herrian hor gaude euripean. Uda batetako lagun beroak eta maitasun joanak ele zuhurrez aipatzeko, zeruan gauez izarrak deitzeko, patizerien aintzinean pasatzean sartzeko eta zerbait chantillydun milikatuz iresteko prest, ostatuen ke pizu eta malinetan itotzeko, mundua asmatzeko, Euskal Herrian hor gaude euripean. Ahantzi nahi dugu ez garela beharrezkoak, zainetan buru gibeletik sua bezala erretzen gaituen heriotzerako gutizi nagia. Euskal Herrian hor gaude euripean, kafe azkarregiek aho zokoan uzten duten gustu beltzean, eta caporal tabakoaren usain segitzaleen lainoan galduak adiskidantza baino gehiagoko zorotasun debaldezko batean, hor gaude Euskal Herrian euripean.
Bizitza nola badoan |