AGEDARENAK

Bertso berri batzuek

al banitza para,

motiboaz konforme

konbeni dana da;

enpleua orrekin

aberastua da,

arrua bada ere

asentatuko da,

Aizateko billeran

probestu Ageda.

Dama batek jartzia

orrenbeste lege,

nonbait egin nai luke

guziyaren jabe;

Gorputz-arratsaldian

orrenbeste jende,

ixilik egoteko

soñurik jo gabe,

Aizateko billera

Agedaren mende.

Ageda juntetako

prebenitutzian,

baten itxura emain du

plazan agertzian:

meriñekia arro

para korputzian,

illiak de rodete

biarko du atzian,

gerriya alegiña

estutu korsian.

Ageda, zertarako

zabiltza orrela

justiziya egiten

jueza bezela?

disimulatu ziteken

nola edo ala;

ezta denbora asko

esan diratela

amaren konbentuan

monja sartzen dala.

Dudarik gabetanik

gogoratu zaio

beti funtziyorako

ez giñala jaio;

beste afiziyorik

eztu oraindaño:

mutillak kortejatu

biziya duaño;

obe dezu ezkondu

monja sartu baño.

Deklaratzera nua

Agedaren kausa,

nundik-nai aginaldo

eldu zaio gauza:

zapata txarolatubak,

zillarrezko bretxa,

mantelin sedazkua,

enkajia beltxa;

dam´orren graduari

tokatutzen zaizka.

Oñak eta aztalak

ez ditu itxusiyak,

tripa ere sanua

Jaunari graziyak,

gerri kuriyosua,

bular egokiyak,

mingaña lasaitxua,

begiyak zuriyak,

oiek dira Agedaren

bentaja guziyak.