BERTUTE TEOLOGALAK

        1. Fedea

Munduko jakintasunak

Eta haren argiak

Maiz tronpatzen du gizonak,

Lilluratzen begiak.

Bainan fedea gidari

hartzen duen guziak

Ikusten ditu segurki

Jakin behar egiak.

        2. Esperantza

Sainduki bizi direnak

Legez dire penatzen;

ordean horien penak

Gozo dire bihurtzen,

Agindu zaioten sari

Eternalaren bixtan,

Esperantzaren sokorri,

handia bihotzean.

        3. Karitatea

Zeren den hain maitagarri,

Zeren den guziz ona,

Amodioz Jainkoari

Lotzen zaion arima

Lokarririk sainduenaz

harekin bat eginik,

Dohatsuen zorionaz

Gozatzen da jadanik.