ILLUMINARE...

                Lagun bati, bere 18 urte betetzean.

                ...his qui in tenebris et in umbra mortis

                sedent, ad dirigendos pedes

                nostros in viam Pacis.

Euskaldun apaizgai leial:

Orra or Urtziren euskal

Erriko mastia zabal...

Ark dizun asmorik ez gal!

Oroi-zu Saulo ezjakin

mintzo entzuten zer egin:

Non nai nazu? galde arekin.

T'erantzuna zaizu berdin:

«Jun Damaskora, an jakingo

zertara bear dezun jo».

Biotza dezu Damasko:

biotz asmo oik, Goiak asmo!

Fedea igartzen Euskadin

so ta, biotzak dizu min

t'Euskadira oi dizu eragin:

Non naiko zau, ba, Ark?. Euskadin.

                * * *

Euskadi!: beste beingo Euskalerrik

zituan euskera eder,

ekandu on, siismen zusper,

eusko alkarte, elkar maitasun...

Gaur, Yon!, besterik dira ager!

Lengo gurutzak, noski, menditik

gaur argi dagigutenak:

ekaizpean dabillenak

ezin nabarmen, orde, dizpilen

argi zirta sarkorrenak...

Pake argitan gurutz muñoak:

zakarki, aldiz, uri t'ibar

burrukan eriosuar,

errekak odol, larreak obi...

(Zeuk, gogo abertzale, oar...)

Odol ixurtzaren zitugarri,

jaso orduko guda ekaitzak,

bitzate erauzi bekaitzak

t'edatu Gentz, Maitasun, Zorion...

ilen ilobi gurutzak.

Noiz edo noizbait ba al dakuskegu

Gentz t'askatasun Uztargi,

Gurutzak dagigula argi,

ta guk degula Poz Itxaroa

muño gurutzetan arki...

            * * *

Betoz baratzaiak

garbi ta lerden

euskotar loreak

gorde ditezen!

            * * *

Eusko gogoen baratzai

biotzak, Urtzik nai zaitu.

Zai dagokizu Aberri, zai...

Gidari eza gaitz len baitu!

Ekin gaurtandik lanari

maite izan, ikasi, otoi...

Saiatu ertetzen Jaupari

jator: abertzale, Urtzikoi!

Argi zuk Goi argiz bear

Jesu dezula iturburu;

bekusa Euskadik menditar

gurutzen Pake leñuru.

Gogoan ezak Goiko Ura,

gogoan ere Euskadi:

Apaiz: aldatu Zerura

gaxoa jare ez badadi!

Zarautz.