Ez ditugu umeak ikusi nahi

enbarazu egiten du

hesiturik nahi ditugu

itzalik lotsatu gabe.

Daukaguna da sekulako beldurra horregatik

dauzkagu ispilu desitxuratuak

bidean botilak hustutzeko beteak

umeak urrun.

Beldurtzen gaitu mutilazio zelatariak

laztan eske dabilen haragi urduriak

tristetzen gaitu euriak

liburu artean zerbaitek harrapatuta

ez dugu galderarik ezagutzen

trasteroak hitzez gainezka

zarata antolatuaren ibilbidean

hesi gehi hesi

hainbeste detergente.