GORPUTZEN LAPURRAK

 

Zonbiak filmetako oroimenetan soilik irudikatuz

hurritz makilkadetatik karbonozkoetarainoko eboluzioa miretsiz

ezinegonaren gorrotoz jantzita

edozein pilula edo likido lasaigarrien apologiaren gainean

ironiko baina irensle

adimen garbienekiko mespretxuan tinko

ezaren fusiletan instalatuta

(ezaren benetako unea galdu eta gero)

labirinto madarikatuetatik irten ezinean

bizigai izandakoaren hezurrekin legeak eskribituz

eraztun kontzentrikoetan harrapatuta

gero eta itoago

alderantzizko argudioekin

iraultza egin nahian

izaki zurien partitura eta esklabo izanik

gora tortura demokratikoa kantatuz

bizi omen gara jende asko

lehen minutua izan zenik ere jakin gabe

 

esan didate.