Alegiazko herri batean

—hiri batean ere esan dezagun—

herritarrak

—hiritarrak ere esan dezagun—

euren oin nekatuak gastatuak zartatuak

limoiz zukuz zaintzen zituzten

baina jakintsuen ikerketa baten aburuz

jardun hori arriskutsu gerta zitekeen herritarren

—hiritarren ere esan dezagun— osasunerako.

industriak eta politikak

kontraerasoara jo zuten

limoiak hormaren kontra paratuz.

 

Aspaldi ostu zidaten ama

hautsi zidaten desioa

ito umea eta bideratu

hortik gerora guztia

eta

orain

limoiak

ere bai.