Haraindiko begiradaren bila
Pello Otxoteko

Pasaiako Hiria, 1999

 

 

NON HAGO

 

Leihoratzen naiz arratsalde orotan

beraren zain, beraren bila

irrikazko grinaz

zeruari so.

Eta nire horretan

sentimenduaren izana

egunaren akaberan pausatzen denean

berreskurapenaren ezintasun errealaz

samindurik konturatzen naiz;

arnas galduaren itzala

ez baitaiteke zaharberritu

hats ezberdinen putzaldiez

ez Eguzki gorrixtatuez.

 

Haraindiko begiradaren bila
Pello Otxoteko

Pasaiako Hiria, 1999