Haraindiko begiradaren bila
Pello Otxoteko
Pasaiako Hiria, 1999
Arrastiriaren argiak
abagunea dauka
zure leiho hegian
barakurkuiluak utzitako bide
bide lingirdatsua
egunaren azken hezeekin
akitzen den uneetan
hasperenez zenion
oihartzunik gabeko garraxian
ulurik gabeko aiurian:
«Aurrekoen etsipen eta frustrazioetatik gatoz
ondorengoen balizko esperantzan goaz
eta
bitartean
orainaren kemen zikiratuak
erretzen gaitu!».
Haraindiko begiradaren bila
Pello Otxoteko
Pasaiako Hiria, 1999