IX.— JAIZKIBELGO MENDI GAILURREAN

 

   Zure sabelean dauntza

gure arbasoen urratsak,

usu gure zaldunek

zure bihurguneetan zeharkatutako

bideak,

baso jori ziren horietan,

gaur antzu diren landetan

ozpelean

jauntxoek damakilengan ereindako haziaren

semeak.

 

   Zutik diraute,

hilik,

itsas-lur begiraleen

dorreak,

hala ere, piratak

oraindik lehorreratzen dira gauean.

 

   Eta,

itsas-lanbroa denean,

kresal usainean,

urrunean

zaldien kaskoen hotsak entzuten dira,

itzalak zamalka,

asapalan

Jaizkibelgo mendi gailurrean.