XVI.— ARRATS BEHERAN

 

   Itsasoaren gain

izpiak eskegi,

argi urmahel handiak eratuz,

iluntasun urperatuak mozkortuz.

 

   Hodeien artean

argi garraldiak

zeruak eusten duen sorta bailitzan,

mugagabetasun txikiak argitzen dituzten

fereka bustiak.

 

   Zeru kobraireak,

arrosantzekoak,

ubelak,

lurrin hezeez ñabartuak,

izaki jainkotiarrei oles eginez

udako arratsalde berantiarrean.

 

   Begirada itsutzen duen

suzko bola goria,

gorputzak itzartzen dituen

bizitz argia.

 

   Itsas urdinak

eta berdeak,

uhin leunak

urrez estaliak

piztu eta itzaltzen diren

izar diztiratsuak,

txingar inarrak,

argitxo xumeak.

 

   Eta,

hodeiertzean

gorputz geldo baten

uhara

eta

haizera

bere bela.