XIX.— ISURTZEN EZ ZAREN HORRI

 

   So egiozu zure arimari ispiluan

eta nigar egizu,

nigar egiozu itzal horri,

bai aurkikuntza xelebrea!

 

   Hainbat izanik amodioz egartsu

eta zuk zeure bururako gordetzen duzu dena,

hainbat izanik amodioa preziorik gabe eskeintzen dutenak,

zuk zeure bururako eskatzen duzu dena.

 

   Zu, eta beti Zu,

zeure bizitzaren ardatz,

guztiongandik edaten duzun hori

ez zara inoiz isurtzen.

 

   Baina ur geldoak ere

inoiz uhertzen dira,

eta inoiz hustu nahi izango bazenu

ezin izango genuke zure aintziran freskatu,

eta ur garbiagoen bila joko genuke,

   agian,

   beste norbaitengan.