BERTSO ZAHARREN MENDEAN

 

 

1.

 

«Mendiak bethe belharrez,

begitartea nigarrez»...

(herrikoia)

 

              Belaxka nauzu izatez

              esango dizut aldrebes

              erabat bete ziren aspaldi

              nire uste eta amets.

 

              Erresumaren oinorde

              bera zelakoan fede

              bihotzez nion adierazi

              ez nauzu igarle trebe.

 

              Beazunaren garratza

              oinazearen oinatza

              hamaika bider zazpi urtean

              irribarrean izotza.

 

 

 

2.

 

«Olim lacus colueram

dum cygnus fueram»

(Carrnina Burana)

 

              Ohore-gosez irriki

              petralkerian nasaiki

              orojakile ezjakin

              berriketari pinpirin

              oilar oilasko gizaki.

 

              Nora hoake horrela,

              ahate zatar ergela?

              aintzatespen iraganak

              zeden-sitsak dizkik janak

              zisne-ustez hagoela.

 

              «Lan baratza, lan aratza»

              egin beharrez, lo hatza:

              labe-erregai harama

              sukaldariak —'ai, ama!'—:

              hegazti haiz?, ez, ikatza!