AUSGANG

         («Andante cantabile»)

 

Iragan arrats batez

lokamuts batean

bi aurpegidun nintzen

ispilu aurrean:

bata zen bur-hezurra

mamirik gabean,

mozorro hutsa berriz

ageri bestean:

ai, ene zarrastada

bihotz-barrenean!

 

                     Batak besteari

                     ahoan ausiki

                     ezin elkar ulertuz

                     zebiltzan garrazki

                     harako Janok ere

                     hau zer den ez daki

                     horrela bizi gara

                     gaur hainbat gizaki:

                     ustez jainko garela,

                     inhurri izaki!

 

           laralaralara

                     laralaralara

                               laralaralara

                     laralaralara...

 

            ustez jainko garela

            inhurri izaki,

                        je vous salie (sic)

                                    Mairie (sic).

 

 

 

 

«Bina bizitza ditugu,

bizi ohi duguna bata,

gogoaneko bestea.

lzate bakardunak gu:

erdi-banatuta

sasi-egia,ordea».

 

«Benazko ala sasizko

zein izen zeini egoki,

inork ez, jakin inola:

hain baikara ilunsko,

norbera bizi izaki

uste hutsean bezala».

(P. Pessoa)