FANTASIA ZINETIKOAK

 

«Organiza tu autodefensa

Redime tus juegos

Tu guiñol escondido

Tu colección polícroma

Tus amores más réprobos»

(S. Maso Simón)

 

 

 

I. «GONA WITH THE WIND»

 

   Clark Gablek Scarlata O'Hara bahitu eta Mississipi aldera

eraman zuenean: kanoi-azantzak urrunean, suteak algodoi-

plantazioetan.

   Esklabo beltz askatzear zeudenek

               negar      zegiten beren nausien derrotaz eta

marmeladazko azken tarta paratu zuen mama pantxitak hegoaldeko

azentuz mai beebee,

                    tóri biderakò

 

                                                      eta zuk, señòritò, ondó zaindù

                                             guré printzesa

   Tara guztietatik harantza

tropa errebeldeen    akordeoi ainubeen inguruan

           Mississippi    zoragarri Scarlata zure begi leinuruetan

lixtu

      banderak oro gure konfederazioari ziorik gabe zu eta

    zubi      mortuak     ontziraleku     hautsiak

errota    paladun        baforerik ez    itsasora       ezin

               gure

azken errebeldeen    uniforme gris    konfiskatuak

                    sakeoari       emanak    hordi

hor    dirau baina    ibaiondoko    ezki marmartien    zurrumurru-

etan gora    zure aieneak    o'hala o'hara    antzaldapen aihenduak

                                   gure kon   fede  ra  ziorik gabea

                                             derrota    errota gabetua

                       izan ez ba    litz    lits    zure    gomuta

arratsalde  la  ma  da  tsu  honetan   non   tea hartzen diharduzun

o    ku    pa   ziodun tropa yankien  buru   zahagi are kin oroit

      zaitez     nitaz           noizbait         mai beebee

           badakizu        scar              betiko                lata

 

 

 

II. «IGAZ MARIENBAD-EN»

       (Erreklamazio-liburutik transkribatua)

 

   «Etorri da adina. Oharkabean. Beti bezala. Ostatura iritsi berria

naizen apopiloa nauzu, esate baterako, eta horra duela gutxi

ostalariaren abisua, jadanik ezin gera naitekeela askoz luzaroago.

Lehendabizi, gelaz nahastu direla pentsatu dut, baina ez, momentu

bat lehenxeago, konketako kanilaren jarioa konpontzera lehenbai-

lehen etor daitezela erreklamatuz deitu dudanean, hariaren

bestaldera 'bai jauna... nola ez jauna... berehalaxe jauna' tonu

adeitsuegi batez erantzun didan ahots berbera izan baita, oraingoan

zeken, 'gelak laster hutsik behar du' esan berri didana. Eta nik

maleta oraindik ohe gainean botata, esate baterako, alkandorak ere,

hortzetako zepiloa ere, dena hortxe, nola liteke, apaletako

armarioetan eskegi gabe, alegia, alderantziz, hortzetako zepiloa

armariotan, alkandorak konketan, ez da posible, txukundu behar

dut gela, urduritasunak honelako tranpak segadatzen dizkizu,

endemas ahots zeken batek barne-lineatik hotz bezain motz

'gelak laster hutsik behar du' esaten dizunean, beranduegi dela

antzematen duzunean, hau broma bat da pentsatzen duzu, baina

badakizu ez dela, Oihan Beltzeko Ostatuan kuku-erloju batek, gela

bakoitzean bana baitago, esaten dizunean 'ich bin eine richtige

Kuckucks-Uhr aus dem Schwarzwald' eta ondoren karilon

madarikatuak 'Wien, Wien, du bist allein' baltsaren doinua aletzen

dizunean adarjole, eta ohartzen zarenean doi-doi duzula aski asti

leihotik miresteko, edo gehienaz ere bertan osteratxo bat egiteko,

Oihan Beltz Naharoa, Ilerkoen eta izeien paradisu berantetsia,

haurtzaroko postaletatik soilki ezagutzen zenuen laku zoragarria,

orain hain hurbil eta hain»

                                  (Hemen amaitzen da izkribua.

                                    Fede ematen dut:

                                                             (Sinadura)

                                                         Ernst Unheimlich)

 

 

 

III. «RUN SILENT RUN DEEP»

 

LONG VEHICLE bat eskuineko karriletik. inter ezkerrera. Zerrenda polita. Izuen genesia. Kobazuloa. Nola dio? Inter eskuin. Kontuz Audi horrekin. Zergatik ezin dira hitzez hitz gogoratu irudi poetikoak. A ze ziztua horrek, 180 gutxienez. Ez ba. Ezin dira. Saguzaharrak. Otsoen ahuriak. Beldur atabikoak. Eta hori berriz largak botatzen neri. Ez al du ikusten orain VEICULO LONGO bat pasatzen ari naizela. Arbasoak. Aizpitarte. Landarbaso. Santimamiñe. Otsozelaia. PASA-IA. Ezagun lehen JES jartzen zuela. Kolore diferenteko txaplata JEStuaren gainean. Apuntatu koadernoan. VEICULO LONGO pasaiatua paisajetua. Ze mania hitz hutsak. Irudiak. Horiek bai gelditzen direla. Baina ezta ere. Horiek ere ez. Zergatik ezin naiz gogoratu. Nork ote daki. Zein liburutan. VEICULO LONGO. Nola zen kanta hura. Lisboa no seas francesa. Portugesa ikasi. Pessoa orijinalean irakurri. Eu te he dado o intermitente mamon. Sasi-gailegoz ez. Fraga eta horiek bezala. Errespetu piska bat. INTXAURRONDO. Bat ere atabikoak ez diren izuak. Utikan. Hemen txaplatarik ez. InTXaurrondo con TX. Hasieratik. Martxa. Pintxos. Txantxullos. Txakurras. Ze kulpa ote dute txakur gaixoek. Homo homini homo. Euskara desagertuta ere lasai. Ohorea salbu dugu. K eta TX guchienez salbatuco dira. Txaplata. Txaplata. Hitz hori bai badarabil nonbaiten. Non... Paretaren kontra zapaldutako suge edo ag horrelako zerbaiten txaplata. Zer dabil hori ceda el paso dauka ag... Ene. Argiak. Ñir ñir. Sirenak. Ni no. Informatikan Ñ kendu diete espainolei. Zer da hau. Saihetsean gorako zer hau. Argiak hemen. Biraka. Ez al ziren urdinak oraintxe bertan. Ñ-a kendu diete. Orain zergatik ikusten ditut hain gorri. Cuantos anos tienes ni-no ni-no ni-no. Martin Bainez ganboarra barrez hil zen. ni. no. ni. no. nik ez dakit ama. Zergatik idazten dituzte letrak aldrebes. ANBULANTZIA. TZIA. IA. A...

 

 

 

IV. «URRI GORRI»

 

                        Tobaritx Sean

                                    connerie

                                    URRI GORRI urpekoaren

                                               komandant to ba ritx

                       ur pe ko de ser tu an de ser ta ri

                                    american way of life-aren

                                                                   amoreakatik

                                                                   amore emanik:

                                                Paganini entzuten du

                                                         sonarreko marinel beltz

                                                                   chewing gum murtxi

                                                                             ka tzai le ak

                                      eta zuk ere

                                                         Sean tobaritx connerie

                                                  UrreGorriak

                                                  oro Coca Cola baten truk.

 

                                                                                       Perspektiba

Nevski Neva                                                           ibaian itoa eta

            Leningrad

Sankt Peterburg arra-bihurtua

                                                                    bederatzi ehun eguneko

                                                                    setioari burgoi eutsi

                                                                                            ondoren

                                         Tsartegi Zahar

                                         erre-bihurturik...

 

Mesedez, Sean:

«Barrak eta izarrak» abestu

                           ez zikin ur pe kon tzia

                    ereserki iraultzaileen kon eri ekin

                ekin Mundu Berrirako

                                             erromesaldi

                                             hobe beharrezkoari

                                                                   omen:

                        «Brave New World» agurtuko zaitu

                                   Aldous Huxleyk Manhattango

                                              Zubi azpitik igarotzean

                          Woody Allenek ere zu aukeratuko

                                    protagonista

                                               hegotar gosetien

                                        Chiapas guztiez barre egiteko.

 

 

 

V. «IZURDE BERDEAREN KARRIKA»

 

                  Zeluloide kirrinkarien hotsetan

                                     maori-en uhuriak dantza

                                                e rri tu al ez koen

                                                erretolika ahantzian

                                     txuri-beltzezko dekoratuen

                                     kartoi-harrizko ta  sun  ean.

                        Alferrik ordea

                                ezerk ez baitezake

                                                     sumendi irakituen

                                                                laba-leherdura

                                                                         lur-ikararen

                                                                            zotin-pitzadura

                                                                                         eragotz...

                                ezta zuk ere

                                                      Lana Turner

                                           marea-goratik ihesi

                                                      labar-leizetik gora

                                                      komentuan babesten

                                                                          zaren arren:

                                                         patuaren txantxa batez

                                                         zure ahizpa —eta ez zu—

                                                         ezkondu zen Zehe-Landa

                                                                              Berri

                                                                       gaur egun zartatu

                                                                       gaur egun sumindu

                                                                              hartara, baina...

                        Zaude deskantsuan

                                                        maori galtzearren

                                                            orroetatik urrun

                                                                        zeure

                                                          urraduretan zurrun:

                                        Zeren —amodioaren itzulerarik

                                        ez igurika, Turner —...

                                                                nahiz Berrian

                                                                nahiz Zaharrean

                                                                            Zehe-Landa

                                                                                    baitugu

                                                                          txantxaz edo gabe

                                                                               aberri bakar.