DENDAKO NESKATILA

 

Sentsazio vegetalak

                               ultramarinoak.

              Lur eta sustraien hezetasuna.

 

              Askitasun —agian zoriontasun—

                         ikutu zehazkabea

                                   siesta-orduko lozorrotik

                                             tupustean

                                   gorputz lirain gazteen

                                              planetan lur-hartuz.

 

Irribarrerik ez.

         Neskatila hura

                   koadroaren haranzkaldetik

                             niri begira

                                    gero eta urrunago

 

zekale-zakuen eta

          tomate-kaixen

                             laberintoan galtzenago

nerabezaroko

           denda ultramarinoan

—miniaturazko

            hiper superfizie

                                txikia—...

 

                                         «Dubonet-Dubonet-Dubonet»:

                                         botilaren etiketan botila bat

                                         eskuz eusten duen neskatila bat

                                         eta beronen etiketan beste botila

                                         bat zeinaren etiketan...

 

                       Gauza bera

                                  «Chiquilin» gailetekin.

                                                     (zertarako jarraitu)