Labarreko talaitik

     itsasoari begira

              ni eta

          Ternuarako

          azken marean

           partitu berria

                  hi, anaia.

 

                       «THE END» irakurri genian

                       hire bekoki hotzean -

                                  nekrologikarik ez, othoi -

                                  iraileko gau euritsuan.

                                  Eta biharamunean

                                              sinpleki

                                  Polloeko oilo-lurrean

                                              ehortzi hindugun

                                              gozo bezain zozo

                                   — hi bai pirotekniarik gabe

                                   hi bai drakkar sukarturik gabe—.

 

        Aitaren bergantin bereko

                           ku bi er ta tik

                     ikurrinaz estali eta

                     Garaikoren erretratua lagun

                                  itsasora jaurti bahindugu

                                                              sikira...

 

                      THE END. Aio, anaia. Ondo

                                                             ez-izan.

 

 

 

 

Zauri erraustuak

begirada ebatondoetan.

 

                                      Hondartzako istiletan

                                                  itsasoak oinatzik ez.

 

                                       Urruneko geologia

                                                  Zumaiako fliss-ean

                                        txirikorda beltzezko haurtzaro

                                                                              ahantzia.