KALE-BAZTER 1

 

Oihesegia dekoratua.

Zerbeza botilakiak

lata mailatuak

                      mankatuak

oin artean trabatuak

ibileraren oztoparri.

            (konfettirik balego sikira...)

            (plastikozko baso-horbelen

                                                    karraska)

Alkohol eta gernu-usaina

             gizon jubilatu elbarrituen

             kontrapuntu bortitz.

 

            Gazteren batek galdutako mokasina,

            eta leihoetan alfonbrak astintzen ari

                                  itsasotiko kresal kirastuna.

 

Ihespiderik ez.

            Sokamuturra tinkoegi

            zinegotzi paineludunek

            urka-bulurrak banatzen dituztelarik

                                 herriko festen biharamun

                                           desolatuan.

                                           (Oihesegia, bai)