Non ote beti bila nabilen

ahazmenaren ametsaz harantzagoko

hizkuntza hori,

                        ez basamortuko eguzki-galdatan oasis

                        ez erromesaldi noragabetan manazko elikagai

                        ez inolako salbamen betierekoren argi ikustezin

                        ez inondiko harkaitz finkoren aieru sorgarri

             baina bai

                                    arrastiri neketsuen hondarretan

                                    —zergatik ez? zein jainkok eragotzita?—

              nire bihotzera

                          tuareg urdinen denda-atarietako

                                                                               berbaro barea

                          lekarkeena

                                                                  hitz-aspertuen gozoa

                           ipuin-jarioaren lerdena

                                                    doi-doi eguzkia ezkutatzean

                                                                 asperen irrifartsu batez

                                                                                         ...etena?

 

 

«Busti ditzagun

esku biak leunki

ibai baretan,

ea benetan

barne-baretzen

ikasten dugun»

(F. Pessoa)

 

 

«Mi carne, que ha vivido en el tiempo

y lo sabe en cenizas, no ha ardido aún

hasta la consunción de la propia ceniza,

y estoy en paz con todo lo que olvido

y agradezco olvidar.

En paz también con todo lo que amé

y que quiero olvidado»

(F. Brines)