Perrando Amezketarra

Egon oi dira gordiak

        loriak

Nik nai det billatzen saia

        usaia

Eta arki leike errez

        berez

Nola dakarkiyen legez

        Loriak usaia berez.

Zenbat gauza on munduan

        txokuan

Daude larpian galdurik

        azturik

Eta gelditzen dirala

        ala!

Ez ditzagun utzi bada

        Txokuan azturik ala.

Sasipietan egonak

        gizonak

Diamante ta urrien

        lorien

Autzera oi dira izan

        gisan

Ai! zenbat ote dabiltzan

        Gizonak lorien gisan.

Azaldu gabia ondo

        Perrando

Zabaldu arren usaia

        Artzaia

Bañan lezateke esan

        nor zan

Amezketan ta Tolosan

        Perrando artzaia nor zan.

On geiena dan lekutik

        Zerutik

Ez eskolan ikasiya

        jatxiya

Zebillela ardi ondoren

        zuben

Perrandok suba barrunen

        Zerutik jatxita zuben.

Arek etzekiyen asko

        moldezko

ta esku-izkribuetan

        letretan;

Bañan ura zan Euskera

        bera

Argatik nai det atera

        moldezko letretan bera.