AUTRE POUR LA NOEL

KRISTAU ONAK BOZKARIOZ

                Airea: Bergers, parlez plus doux

        Kristau onak bozkarioz

        Abia gaiten kantatzen,

        Zeren gure amodioz

        Jinko Jauna baita sortzen.

Neguaren bihotzean

Amodioaz garhaitua,

Txola ideki batean

Sortzen da betitik sortua.

        (Kristau)

Gu bereganat biltzeko

Bere loria du goibeltzen,

Gizona irabazteko

Haurtxo ttipi da billakatzen.

        (Kristau)

Ikaretan dago hotzez

Larru has, nigarrez betea,

Bi aberek bere hatsez

Berotzen dute haur maitea.

        (Kristau)

Izpiritu zerukoak,

Zatozte etxola txarrerat

Haur Jinkoaren menbroak

Zuen hegalez estaltzerat.

        (Kristau)

Zeru lurren nausi dena,

Troxez estekatua dago,

Lasto dorpean etzana

Gure bihotzen hunkitzeko.

        (Kristau)

Guriki da ohantzean

Sortu den orduko xoria;

Sehaska gogor hotzean

Dago Jinko sortu berria.

        (Kristau)

Bereganat deitzen ditu

Ardizainak jaio deneko.

Jinkoa pobre da sortu

Pobre gaxoen beretzeko.

        (Kristau)

Ez ditu handiak utzi:

Hek ere ditu gonbidatu,

Ez erregelak ahantzi,

Gizon guzientzat da sortu.

        (Kristau)

Nigatik orai pairatzen

Hasi zare Jesus sortzean.

Ikusiko zaitut hiltzen

Nigatik gero gurutzean.

        (Kristau)

Anatema sar bekio

Zu maite ez zaituenari,

Ihardesten ez badio,

Zure gonbidu samurrari.

        (Kristau)