PURGATORIOKO PENAK

Su eta lamen erdian,

Hemen gaude jarriak,

Zepo beltz, labe gorrian,

Bizirik ehortziak.

Hélàs! Hélàs!

Oi, gure sofrikariak

Arin zatzu otoitzaz!

Jinkoaren justiziak

Amarratuak gauzka,

Detzaguno zor guziak

Tormenta pean paga.

Hélàs! Hélàs!

Oi, zuk, errexki fagora

Gaitzazuke otoitzaz!

Zu, ene espos, laguna,

Ene buraso, haurra,

Lehen maite ninduzuna,

Nik dut zure beharra.

Hélàs! Hélàs!

Orai, errexki fagora

Nazazuke otoitzaz!

Oi! Suzko leize beltz huntan,

Jauna, noiz arteraino

Tormentazko itxasotan

Gaituzu idukiko?

Hélàs! Hélàs!

Zuk gaituzu libratuko,

Ene anaia, otoitzaz!