AGUR AMATXO MAITEA

        1

Zugandik aldenduta

Aspalditikan, ai!

Ezin egon, Amatxo,

Ezin egon alai;

Baña gogoraturik

Dala zure eguna,

Pozez bidaltzen dizut

Gaur agur biguna.

Zauden tokira nere

Begiak jasorik

Egunez eta gabaz

Oi ditut euki nik;

Urrungaitzez urtuta

Emen naukazu, bai,

Zugana juateko

Zorionaren zai.

        2

Gau isill ontan ernai

Nagola begira,

Lo zeuden oroitz asko

Esnatutzen dira:

Urdiñ dago ozkarbi izar

Ederrez josia

Txikitan nik ainbeste

Bider ikusia!

Kiñuka zauden izar

Biotz esnalea,

Agurtu maite dedan

Uritxo maitea,

Esan ez dala itzali

Biotzeko sua,

Eraman gaur bidaltzen

Diodan musua.

Egon arren urruti

Nere sorterria

Daukadala dirudit

Aurrean jarria;

Uri benetan maite

Zaitudana, jakin

Zure zati bat beti

Dagola nerekin.