ARKAITZA

Aldiz orto tartean

Aldiz ots legunak

Entzunaz, igarotzen

Ditut nik egunak;

Urdin t'itzaltsu laster

Itxasoa dago,

Baña era batean

Ni bildurge nago.

Amaika iskanbilla ta

Zapart et'eraso

Nere aldamenian

Dirade bai jaso...

Igaro ziran eta

Daukat nik burua

Igarotzeko beste

Ainbat gertutua.

Egurasten alaiki

Zebillen ontzia

Aize bolada batez

Izan da iraulia,

T'aren barruan irten

Ziranak nasatik

Itobear estuan

Maiz emen dakust nik.

Gizonen egipenak

Lirañak izanik

Ez daukate zañetan

Bear dan iraunik;

Aiek ondatutzeko

Aski da ekaitza

T'anei ekaitzen kaltez

Aski naiz arkaitza.