UGIÑAK

Onuntz t'aruntz dabiltza

Ez dutela atseden

Unetxo bat ugiñak

Arkitutzen emen;

Au da bizkortasuna,

Au da, bai, oldarra

T'au da lengo lekuan

Gelditu bearra!

Usterik aurrekoak

Makalak zirala,

Usterik aiek baño

Geiago dirala,

Badijoaz aurrera,

Badijoaz... baña

Ez dute egiten baizik

Aurrekoak aña!

Arrokeriz puztuta

Zabiltzan gizona,

Atoz, une batean

Eldu zaitez ona:

Begira nola zure

Asrno t'aburuak

Darabilzkiten gora

Ta bera buruak.

Arresi kotor ezin

Dezuna gallendu

Iñoiz zuk idoroko

Bidean bazendu,

Obe da bekokia

Apalki makurtu

Seta zitalez baño

Alperrik apurtu.