ZUGANA...

Aranzazu'ko Ama laztana,

Zugana nere begiak

Dijoaz, eta zugana ditut

Jasotzen nere esku biak;

Errukiduna zeran ezkero,

Gozatu nere zauriak...

Aspalditikan zeugan jarrita

Dauzkat nire uste guztiak!

Gogoz entzuten badezu beti

Zure semien arrena,

Entzun gaur gogoz zure aurrean

Auspeztutzen denarena;

Erruki zaite, amostu bedi

Nere gaitzaren eztena;

Erruki zaite, betor lenbaitlen

Ezbearraren azkena.

Berriz ikusi daidan maitaro

Zure arpegi gozoa,

Zure aurrean aurkeztu nadiñ

Biotz eskar onekua.

Aranzazuko Ama laztana!

Zugana nere gogoa

Biar dituan eskarren billa

Ustez beterik dijoa.