HILTEGIAN

 

Mendien barrenean

hantxe landa artean,

hiltegi bakartxo bat

dago nire herrian.

Bertan toki txiki bat

zeina hobi bat den...

honen aurrean ohi dut

malkoa begian.

 

Maite-maiteak nituen

izaki gaixoak

hantxe gordeak ditu

toki txikitxo hark.

Nola ba ez ixuri

nik bertan malkoak?

Ai! ez daki aizuntzen

bihotz saminduak!

 

Baina hiltegi hortan da

gurutze bat zutik,

eta gurutzean Josu

besoak zabalik;

nahiz eta begiak eduki

malkoz lainoturik

maiteen poza dakust

gurutze hartan nik.

 

Eta itxaropen gozoak

pozten dit bihotza,

pozgarri azalduaz

betiko bizitza.

Horrengatik nire

malkoen zioa

otoi bihurtu eta

donokira doa.