ELURTZA

          (Abestia)

 

Lur txuriak ditu

mendiak estaldu

hain ederra delarik

baita itunez bildu.

Artzain-neskatxari

txit gogoa ilundu.

Ai ez du txoritxuak

goizean abestu!

 

Umezurtza negarrez,

txoria dardaizka,

loretxua iharturik,

ardia marroixka;

mendi eta zelaiak

elurrez jantzita

niri iduritzen zaizkit

hil-oihalez jantzita.

 

Non zara eguzkia....?

Non zara, non zara....?

Atoz distiratzaile

elurrak kentzera,

hilik dagoen lurrari

bizitza ematera,

mendi baso zelaiak

alaiez janztera.