PLUMA LORI ZATAR

Pluma lori zatar bat

zorrozturik gaizki

asi zan eskribitzen

arroturik lazki

gure arbola itzeko

asmoetan noski

obe dute pakean

nere ustez utzi.

Arbola aitatzean

erdeldunen mina

ez dakit nundik duten

orrelako grina

mundu guztian dute

sustraia egina

errespetatu beze

aran erregina.

Berak arbola gabe

ez badaude ongi

imitatzen dute

Euskal erriari

orra dana konserbatu

gaitzik ez inori

eta posible balitz

gu bezela jarri.

Españia guztia

jakinean bego

euskaldunok ez gera

jo ta artzen egongo

arbol maitagarria

gogor eta bero

kontserbatuko degu

orain eta gero.