LERSUNDI GUDALBURUARI

Asia, Europa eta Afrika

Bakarrik ziran denboran,

Gogorra, andia eta ederra,

Gure España zegoan;

Gero Kolon-ek zerbait arturik

Marko-Poloren liburuan,

Mundu berri bat bazalakoa

Jarri zitzaion buruan.

Gauza andi bat izanagatik

Mundu berri an sortua,

Baña bai ere izan ta izango

Españarentzat kaltea;

Nola gabilzan Jainkoak daki

Noiz egingo dan suertea

Bai, milla bider utzegin degu

Peru Españan uztea.

Zer zuten emen zelai oietan

Española emen sartzean?

Legoi, katamotz, euli ta suge

Zapo galantak oiñ pean:

Zorigaiztoko miruak bai ere

Baziran Lima partean,

Peru-ko minak izandu dira

Españarentzat kaltean.

Lurrak badira mundu onetan

Gutxi dutenak balio

Gure Jainkoak Iberiari,

Lurrik onena eman dio;

Elurte asko, eguzki gutxi

Begira zenbat nazio,

Gure lur maite Españolari

Arren, ez esan adio!

Afrikan bero izugarriak,

Elur galantak Rusian,

Biotza triste... ekartzen dute

Izan diranak Asian;

Gerra, legorta, bomito-beltza,

Daukagu mundu berrian,

Ez da España bezalakorik

Eguzki-aren azpian.

Mundu zarrean, gu, jaio-giñan

Utzi dezagun berria,

Gure Jainkoak maite izango du

Maite duana erria:

Gero iltzean izango bada

Deseo degun gloria,

Orain ta beti, maita dezagun,

España gure patria.