NERE ONGILLE MAITEEI

Ez dakit nola eskerrak eman

Ah! nere ongille maiteak

Nere lurrera bear nau eraman

Gaur zuen borondateak;

Egin dezute zer obra ona

Aberatz eta pobreak

Orra kunplitu agintzen duana

Jesukristoren legeak.

Biotz oneko jaunak badira,

Lista dutenak edertzen

Zori oneko nere zartzera

Ah! nola duten onratzen;

Munduan bada zorionikan,

Andre onak du egiten,

Gizonak izar oyetan

Zerua degu ikusten.

O! zu Romero Jimenez jauna,

nere adiskide maitea,

zure biotz onak kontsolatu du

nere anima tristea;

egiak dira nere ametsak:

mendietara joatea;

agur, Romero, au da neretzat

gozamentu eta pakea.