BEZERRO BENGOA, ARRESE,
ERRAN ETA MANTELERI

Erran, Manteli, Arrese jauna

Eta Bezerro Bengoa

Badet aspaldi biotz guztitik

Ezagutzeko gogua.

Zuek bezela ditut maitatzen

Jaungoikoa eta Fueroak

Ay! baña ez nau pakean usten

Lurraren amorioak.

Itxaso aldera beti begira

Zabal zabalik begiak

Oh, Jaun maitea Zer urriñ diran

Euskal erriko mendiak.

Ara ontzi bat, goazen atozte

Nere aur polit gaisoak

Bildurrik gabe juan zaiteste

Txit maite gaitu Jainkoak.

Mundu zarrean nola berrian

Izan gaitezen prestuak

Gizonarentzat agiñ zituan

Ur eta lurrak Jainkoak

Zabaldu beti anaitasuna

Amoriozko kantuak

Guzientzat du itzal ederra

Gure arbola santuak.