OBIAN

Euskalerria maite zuanaren

Orra nun degun obia

Lur santu on jartzera goazen

Lore koroez betia,

Igo zan zeruetara

Bitoriar prestu noblea

Bere izena gure biotzetan

Izan betiko gordea.

Galdu genduen gure Moraza

Baña bizi da izena

Laurak batentzat zan esperantza

Biotz nobleko gizona,

Gorde dezagun bere oroitza

Euskaldun onak bagera

Lur onegatik gure biotza

Eman Morazak bezela.

Amoriozko txit bide ona

Berak lur oni emana

Da euskaldunak betikoeran

Idurikatu beardana

Egun obe bat ez da urruti

Alkar maitatzen degula

Gure mendietan biziko gera

Anai maitiak bezela.