GORA EUSKERA

Espaiñian da gizon bat

Bear deguna maita

Franzisko Aizkibel jauna

Euskaldunen aita:

Txit da gizon prestua

Eta jakintzua

Errespeta desagun

Guk gure maitasua.

Ogeita geyo urtian

Bizi, da Toledo'n

Izarraizko semia

Ez da beti lo egon;

Liburuen gañian

Beti gau eta egun,

Gure euskera maitia

Galdu ez desagun.

Arabe eta hebreo

denak denak bera,

nere adiskideak:

gora, gora euskera!

Biotzean gurutza,

eskuan bandera,

esan lotsarik gabe

euskaldunak gera!

Pakean bizitzeko

gure mendietan

euskera itz egin bear da

batzarre denetan;

ta euskaldunen izean

geroko eunkietan

famatua izango da

alde guzietan.