ELIZONDO-KO BATZARRA ETA
EUSKALDUNEN GAUZIK MAITENA

        (1879)

Zer atsegiña mendian bera

Agertzen gure anaiak

Esanez emen alkartu gera

Izan euskaldun leialak.

Ta ikustean gure artean

Aomen aundiko gizonak

Euskalerriaren sorionean

Argi, maiz egin dutenak.

Elizondo-ko ibar luzean

Egontza eder batean

Amoriozko batasunean

Ikusi ditugu pakean,

Euskaldun onak esku emanik

Jaungoikoaren aurrean

Diotela emen gaude baturik

Lur maitearen onean.

Euskalduna zan Pierre de Marti

Biotz aundiko gizona

Andiskitu nai zuana beti

Jaungoikoaren izena,

Eta gaur ere dator zerutik

Fede bizi bat gugana

Esanez beti, burua zutik

Euskaldun onak gerala.

Oroi gaitezen Santxo Portitzak

eta Matxin de Mungiak

zuten bezala izan biotzez

onratu Euskalerria;

eta kondairak esan dezala

mundu dan arte egia

urez ta lurrez maitatua da

euskeldun odol garbia.

Izan Elkano ilezkorraren

fede santu bat bizia

erregu beti, betor Jaunaren

zeruetako grazia;

Bera lenengo emen lurrean

eman ziguna argia!

Bai euskaldunak, Elkanok zuan

arritu mundu guztia.

Euskalduna zan Peñaflorida

Munibe lenargitia

ikaz dezagun beral bezela

onatzen Euskalerria;

bera lenego elkargoaren

ipinle argi zuzena

gaur euskaldunak bear da emen

onratu bere izena.

Bere jakintza on bidezkoak

Españan ziran zabaldu

Peñaflorida bezelakoak

gutxi dirade azaldu;

baina gaur ere uskal leialak

batu gaitezen alkartu

eta Munibek zuan bezela

Euskalerria maitatu.

Lurreratuak lege zar onak.

Ezbearrean galduak!

Makur gerade gaur euskaldunak.

Erruki gaitu munduak!

Baña gaur ere gizon biotzdunak

euskaldun garbi prestuak

beti dituzte gauzik maiteenak

Jaungoikoa eta Fueroak.